پیرس (این این آئی)ایسے حالات میں کہ جب دنیا کورونا کے اومی کرون ویرینٹ سے نبرد آزما ہے، فرانس میں سائنسدانوں نے کورونا کا ہی ایک اور ویرینٹ آئی ایچ یو دریافت کیا ہے۔میڈیارپورٹس کے مطابق آئی ایچ

یوویرینٹ پہلی بار پچھلے مہینے جنوبی فرانس میں پایا گیا تھا لیکن اب اس نے عالمی ماہرین کی توجہ حاصل کرنا شروع کر دی ۔فرانس کے شہر مارسیلی میں کم از کم 12 افراد آئی ایچ یو سے متاثر پائے گئے ۔مارسیلی میں مقیم میڈیٹرینی انفیکشن یونیورسٹی ہاسپٹل انسٹی ٹیوٹ کے محققین کے ذریعے یہ ویرینٹ دریافت کیا گیا۔ریسرچ کرنے والوں کا کہنا تھا کہ اس ویرینٹ میں 46 میوٹیشن ہیں، جو اومی کرون سے بھی زیادہ ہے ۔اس سے یہ خدشہ پیدا ہو رہا ہے کہ آئی ایچ یو موجودہ ویکسین کے خلاف زیادہ مزاحمت کرسکتا ہے۔ تاہم ماہرین نے کہا ہے کہ اس کے اثرات کے بارے میں یقین کے ساتھ کچھ بھی کہنا قبل از وقت ہے۔اس سے قبل24 نومبر 2021 کو اومی کرون ویرینٹ جنوبی افریقہ سے سامنے آیا تھا جو اب تک 100 ممالک میں پھیل چکا ہے ۔

موضوعات:کرونا