اگر حکومت نیچیئرمین نیب عہدے کی پیشکش کی تو کیا وہ اسے قبول کرلیں گے؟سابق چیف جسٹس ثاقب نثار نے بڑا اعلان کردیا

30  دسمبر‬‮  2021

اسلام آباد (مانیٹرنگ ڈیسک) سابق چیف جسٹس ثاقب نثار کا کہنا ہے کہ انہیں چیئرمین نیب کے عہدے میں دلچسپی نہیں ہے جب کہ وزیراطلاعات فواد چوہدری کا کہنا ہے کہ حکومت کی جانب سے چیئرمین نیب کے عہدے کے لیے کوئی نام تجویز نہیں کیا گیا ، اس حوالے سے میڈیا رپورٹس درست نہیں جب کہ ن لیگ کے سینئر رہنما خواجہ آصف کا کہنا ہے کہ پارٹی نے

ناصر محمود، آفتاب سلطان اور ھشام بن صدیق کے نام تجویز کیے ہیں۔روزنامہ جنگ میں فخر درانی کی شائع خبر کے مطابق  چیئرمین نیب کے عہدے کے لیے موزوں شخص کی تلاش جاری ہے۔ میڈیا میں حکومت اور اپوزیشن کی جانب سے مجوزہ امیدواروں کے نام گردش کررہے ہیں۔ تاہم، سابق چیف جسٹس میاں ثاقب نثار نے واضح طور پر کہا ہے کہ انہیں چیئرمین نیب کے عہدے میں کوئی دلچسپی نہیں ہے۔ ان کا کہنا تھا کہ نہ ہی ان سے کسی نے رابطہ کیا ہے اور نہ ہی انہیں کسی سرکاری عہدے میں دلچسپی ہے۔ ان کا کہنا تھا کہ میں واضح کرنا چاہتا ہوں کہ میں چیئرمین نیب کے عہدے کے لیے دستیاب نہیں ہوں۔ ان سے جب پوچھا گیا کہ اگر کسی حکومتی عہدیدار نے ان سے رابطہ کیا یا انہیں چیئرمین نیب کے عہدے کی پیش کش کی تو کیا وہ اسے قبول کرلیں گے؟ تو ان کا کہنا تھا کہ وہ کسی بھی حکومتی عہدے کے لیے دستیاب نہیں ہیں چاہے وہ چیئرمین نیب کا عہدہ ہو یا کوئی دوسرا عہدہ ہو۔ گزشتہ چند دنوں سے میڈیا پر متعدد نام اس حوالے سے

گردش کررہے ہیں۔ میڈیا رپورٹس میں کہا گیا ہے کہ حکومت کی جانب سے مجوزہ ناموں میں سابق سیکرٹری یوسف نسیم کھوکھر، سابق سیکرٹری وزارت مذہبی امور کیپٹن (ر) سردار اعجاز احمد خان جعفر اور سابق ڈی جی، ایف آئی اے محمد آملش شامل ہیں۔ جب کہ اپوزیشن جماعتوں کی جانب سے مجوزہ چار ناموں میں سابق سیکرٹری خزانہ سلمان صدیق،

سابق چیف سیکرٹری پنجاب ناصر محمود کھوسہ، جسٹس (ر) دوست محمد اور سابق سیکرٹری خارجہ امور جلیل عباس جیلانی کے نام شامل ہیں۔ جب کہ سوشل میڈیا پر گزشتہ چند روز سے یہ قیاس آرائیاں جاری ہیں کہ حکومت، چیئرمین نیب کے عہدے کی پیش کش ، سابق چیف جسٹس ثاقب نثار کو کرنا چاہتی ہے۔ سیاسی تجزیہ کاروں کا یہ بھی ماننا ہے کہ عمران خان

موجودہ چیئرمین نیب جسٹس (ر) جاوید اقبال کو ہی عہدے پر برقرار رکھنے کے بارے میں سوچ رہے ہیں۔ ن لیگ نے جو نام تجویز کیے ہیں وہ میڈیا رپورٹس کے برعکس ہیں۔ میڈیا رپورٹس میں کہا گیا ہے کہ ن لیگ نے سابق سیکرٹری خزانہ سلمان صدیق اور سابق چیف سیکرٹری پنجاب ناصر محمود کھوسہ کا نام دیا ہے۔  ن لیگ کے ایک سینئر رہنما سے بھی اس بارے

میں استفسار کیا تو ان کا کہنا تھا کہ وہ سلمان صدیق کی بہت عزت کرتے ہیں لیکن ن لیگ نے ان کا نام چیئرمین نیب کے عہدے کے لیے تجویز نہیں کیا۔ ن لیگ کے سینئر رہنما خواجہ آصف کا کہنا تھا کہ ان کی پارٹی نے ناصر محمود کھوسہ، سابق ڈی جی، آئی بی، آفتاب سلطان اور وائس ایڈمرل (ر) ھشام بن صدیق کے نام تجویز کیے ہیں۔ جب کہ وفاقی وزیر اطلاعات

فواد چوہدری نے بھی میڈیا رپورٹس کو مسترد کرتے ہوئے کہا ہے کہ حکومت نے اب تک چیئرمین نیب کے عہدے کے لیے کوئی نام تجویز نہیں کیا۔ انہوں نے اپنی ٹوئٹ میں کہا کہ پی ٹی آئی نے اس عہدے کے لیے کوئی نام تجویز نہیں کیا ہے۔ اس ضمن میں جو میڈیا رپورٹس ہیں وہ درست نہیں ہیں۔ اس حوالے سے فیصلہ آنے والے دنوں میں مشاورت کے بعد کیا جائے گا۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…