دبئی ( آن لائن) متحدہ عرب امارات نے اعلان کیا ہے کہ وہ سنیما کو سنسر نہیں کرے گا، جس سے فلموں کیلئے 21 سال اور اس سے زیادہ عمر کی حد مقرر کی گئی ہے۔غیر ملکی خبر رساں ادارے کے مطابق متحدہ عرب امارات سات امارات پر مشتمل ہے، خلیجی خطے کے
زیادہ آزاد خیال ممالک میں سے ایک سمجھا جاتا ہے، جہاں بالغوں کے مواد والی فلموں کو معمول کے مطابق کاٹ یا ایڈٹ کیا جاتا ہے۔امارات فیڈریشن حالیہ برسوں میں اپنے قوانین میں مسلسل ترمیم کر رہی ہے، اور خود کو بڑے پیمانے پر قدامت پسند خطے میں ایک جدید قوت کے طور پر پیش کر رہی ہے۔ملک کے میڈیا ریگولیٹری آفس نے ٹویٹر پر کہا کہ اس نے اپنے موشن پکچر مواد کی درجہ بندی کے نظام میں 21 پلس عمر کا زمرہ متعارف کرایا ہے۔اس درجہ بندی کے مطابق، فلموں کے بین الاقوامی ورڑن کو سنیما گھروں میں دکھایا جائے گا، جس میں سامعین کے داخلے کیلئے عمر کی درجہ بندی کے معیارات کی سختی سے پیروی پر زور دیا جائے گا۔ گذشتہ سال کے آخر میں، UAE نے سماجی لبرلائزیشن کی مہم میں قوانین کی ایک صف کو بہتر بنایا۔ان میں غیر شادی شدہ جوڑوں کے ساتھ رہنے پر پابندی ہٹانا، شراب پر پابندیوں میں نرمی اور طویل مدتی رہائش کی پیشکش شامل تھی۔
