مکہ مکرمہ(این این آئی)المسجد الحرام کی سپیشل فورس نے مقدس حرم کی بلند منزل سے کودنے کی کوشش کرنے والے شخص کو بچانے کی خاطر فوری سرگرمی دکھائی۔سپیشل فورس مسجد حرام نے ایک سرکاری ہینڈ آوٹ میں بتایا کہ حرم کی بلند منزل سے فرش پر چھلانگ لگانے والے شخص کو زمین پر گرنے سے بچانے کی کوشش میں ایک اہلکار زخمی ہو گیا۔

دونوں کو ضروری طبی امداد کے لیے میڈیکل سینٹر منتقل کر دیا گیا ہے اور ان کے معاملے کو مروجہ ضابطے قاعدے کے تحت ہینڈل کرنے کے لئے متعلقہ حکام کو ریفر کر دیا گیا ہے۔