کراچی (این این آئی)آل کراچی ریزیڈنٹ کمیٹی کے چیئرمین فرحان عباس نے کہا ہے کہ”جیتے گا پاکستان” کے عنوان سے کراچی کے سکولوں کے 6 ہزار سے زائد بچے ایک وقت میں قومی ترانہ پڑھ کر عالمی ریکارڈ بنانے کو تیار ہیں۔ اس حوالے سے 24 دسمبر 2021 کو اصغر علی شاہ اسٹیڈیم میں ایک پروقار تقریب کا انعقاد کیا جائے گا جہاں سے پاکستان کے مستقبل کے معمار پوری دنیا کو امن اور سکون کا پیغام دیتے ہوئے پاکستان کا پرچم سر بلند کریں گے۔ انشااللہ یہ ایونٹ عالمی سطح پر پاکستان کا سبز ہلالی پرچم بلند اور نام روشن کرے گا۔