اسلام آباد (این این آئی)چیئر مین پبلک اکائونٹس کمیٹی نے اقوام متحدہ کی ماحولیات کانفرنس 2026 کے دوران زرتاج گل اور امین اسلم کی لڑائی پر تحقیقات کا حکم دیدیا ۔ جمعرات کو چیئرمین کمیٹی رانا تنویر حسین کی زیر
صدارت پبلک اکاؤنٹس کمیٹی کا اجلاس ہوا جس میں اقوام متحدہ کی ماحولیات کانفرنس 2026 کے دوران زرتاج گل اور امین اسلم کی لڑائی پر تحقیقات کا حکم دیا گیا ۔ریاض فتیانہ نے انکشاف کیا کہ وزیر مملکت زرتاج گل اور امین اسلم کے درمیان کانفرنس میں لڑائی ہوئی، گلاسکو میں زرتاج گْل معاون خصوصی امین اسلم کے ساتھ لڑ کر وطن واپس آ گئی ،گلاسکو کانفرنس میں افسران کی نااہلی کے باعث پاکستان کی نمائندگی غیر معیاری تھی۔ انہوں نے کہاکہ نیپال اور دوسرے ممالک کے وفد کو پاکستان کیمپ میں کسی افسر نے ریسیو نہیں کیا۔ چیئر مین کمیٹی نے کہاکہ وزارت موسمیاتی تبدیلی کے نااہل افسران کے باعث قومی خزانے کا کروڑوں روپے ضائع ہوا۔چیئرمین کمیٹی رانا تنویر حسین نے آڈٹ حکام کو تحقیقات کر کے رپورٹ پیش کرنے کا حکم دے دیا۔
