اسلام آباد(مانیٹرنگ ڈیسک)پی ٹی آئی چیئرمین اور موجودہ وزیر اعظم عمران خان نے 2018میں اپنی روحانی پیشوا بشریٰ مانیکا سے باقاعدہ شادی کی،نکاح کی یہ تقریب لاہور میں بشریٰ مانیکا کے گھر پر انجام پائی۔عمران خان اور بشریٰ مانیکا کا نکاح پی ٹی آئی کے کور کمیٹی کے
رکن مفتی سعید نے پڑھایا جب کہ تحریک انصاف کے مرکزی رہنما زلفی بخاری اور عون چوہدری نکاح کے گواہان بنے۔ شادی کی تقریب میں دونوں طرف کے قریبی عزیزو اقارب اور عمران خان کے دوستوں نے شرکت کی تھی۔اب 3سال بعد اس شادی سے متعلق پی ٹی آئی کے سینئر رہنما نعیم الحق مرحوم اور نکاح خواں مفتی سعید کی ایک مبینہ اور غیر تصدیق شدہ آڈیو کال انٹرنیٹ پر لیک ہوگئی ہے، جس میں مفتی سعید نعیم الحق مرحوم سے شکوہ کرتے ہیں کہ مجھ سے جھوٹ بول کر عدت میں نکاح کروا کر بہت بڑا گناہ کروایا گیا، اس مبینہ اور غیر تصدیق شدہ آڈیو کال پر سوشل میڈیا صارفین کا ملا جلاردعمل سامنے آرہا ہے ، یاد رہے کہ پی ٹی آئی رہنما نعیم الحق کا گزشتہ سال انتقال ہو گیاتھا ، مبینہ آڈیو کال کے دوران اس وقت ان دونوں کے درمیان مزید کیا بات چیت ہوئی آپ بھی سنئے۔
