ہفتہ‬‮ ، 26 اپریل‬‮ 2025 

پی آئی اے طیارہ ادویات لے کر کابل پہنچ گیا

datetime 30  اگست‬‮  2021
ہمارا واٹس ایپ چینل جوائن کریں

اسلام آباد (این این آئی)اقوام متحدہ کے عالمی ادارہ خوراک کی درخواست پر پی آئی اے کا خصوصی طیارہ مزار شریف پہنچ گیا ، پی آئی اے کے افغانستان میں جاری انسانی ہمدردی مشن پر طیارہ ضروری ادویات کی ترسیل کے لئے پہنچا، خوراک و ادویات پی آئی اے کے خصوصی بوئنگ 777 نے دبئی سے مزار شریف پہنچائیں،کارگو طیارہ کا مقصد افغانستان میں ادویات کی قلت کے سدباب کیلئے

اقوام متحدہ کی ہر ممکن حد تک معاونت کرنا ہے، ادویات کی کمی کے باعث افغان لوگ مشکلات کا شکار تھے ،افغانستان میں نئی حکومت کے قیام کے بعد کابل کے علاوہ یہ پہلی بین القوامی کمرشل پرواز تھی،مزار شریف میں پرواز کی لوڈنگ اور زمینی انتظامات کیلئے پی آئی اے کی آپریشنز ٹیم جہاز کے ساتھ روانہ ہوئی،ٹیم نے سی ای او پی آئی اے کے معاون خاص ائیروائس مارشل عامر حیات کی سربراہی میں سفر کیا اور زمین پر متعلقہ انتظامات سنبھالے، پی ائی اے کی پرواز کے اجازت نامے و دیگر معاملات کیلئے سیکٹری خارجہ سہیل محمود کی ذاتی کاوشیں شامل تھیں، وزیراعظم کے معاون خصوصی ڈاکٹر فیصل سلطان نے بھی اس آپریشن میں اہم کردار ادا کیا،سی ای او پی آئی اے ائیر مارشل ارشد ملک کی جانب سے کامیاب مشن مکمل کرنے پر ٹیم کو شاباش دی گئی،سی ای او پی آئی اے کی جانب سے سیکٹری و وزیر خارجہ کا خصوصی شکریہ ادا کیا گیا،پی ائی اے کی پرواز، پاکستان کی طرف سے جاری انسانی ہمدردی و اقوام عالم کی معاونت کے سلسلے کی ایک کڑی،پاکستان افغانستان کا امن، صحت و سلامتی میں تعاون جاری رکھے ہوئے ہے،مشکل حالات میں ملک کی خدمت، ملکی مفادات اور انسانی ہمدردی میں حصہ لینا ہمیشہ سے پی آئی اے کی روایت رہی ہے۔ سی ای او پی آئی اے نے کہا کہ پی آئی اے آئندہ بھی بوقت ضرورت ہراول دستے کا کام کرے گی،افغانستان ہمارا برادر پڑوسی ملک ہے، وہاں کے لوگوں کی معاونت پی آئی اے کی اخلاقی ذمہ داری ہے۔

موضوعات:



کالم



پانی‘ پانی اور پانی


انگریز نے 1849ء میں پنجاب فتح کیا‘پنجاب اس وقت…

Rich Dad — Poor Dad

وہ پانچ بہن بھائی تھے‘ تین بھائی اور دو بہنیں‘…

ڈیتھ بیڈ

ٹام کی زندگی شان دار تھی‘ اللہ تعالیٰ نے اس کی…

اگر آپ بچیں گے تو

جیک برگ مین امریکی ریاست مشی گن سے تعلق رکھتے…

81فیصد

یہ دو تین سال پہلے کی بات ہے‘ میرے موبائل فون…

معافی اور توبہ

’’ اچھا تم بتائو اللہ تعالیٰ نے انسان کو سب سے…

یوٹیوبرز کے ہاتھوں یرغمالی پارٹی

عمران خان اور ریاست کے درمیان دوریاں ختم کرنے…

بل فائیٹنگ

مجھے ایک بار سپین میں بل فائٹنگ دیکھنے کا اتفاق…

زلزلے کیوں آتے ہیں

جولیان مینٹل امریکا کا فائیو سٹار وکیل تھا‘…

چانس

آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…