بہاولپور،پتوکی(مانیٹرنگ ڈیسک)بہاولپور میں درجنوں بچوں سے زیادتی کرنے والےملزم کو گرفتار۔پولیس کے مطابق بچوں کو اغوا کے بعد بدفعلی کا نشانہ بنانے کے متعدد کیسز رپورٹ ہوئے تھے جس پر خصوصی ٹیم تشکیل دی گئی تھی۔پولیس کا کہنا ہےکہ جدید ٹیکنالوجی اور
سی سی ٹی وی کی مدد سے ملزم کوبہاولپور سے گرفتار کیا گیا۔پولیس کے مطابق ملزم انصر موٹر سائیکل پر مرغیوں کے چوزے فروخت کرتا تھا، بچوں کو ورغلا کر ان کو گھروں سے دور لے جا کر زیادتی کا نشانہ بناتا اور پھر ویرانے میں چھوڑ کر فرار ہو جاتا تھا جب کہ ملزم کے خلاف بہاولپور، بہاولنگر اور ملتان میں مقدمات درج تھے۔ دوسری جانب 22 روز گزر گئے تھانہ سٹی پولیس شادی شدہ لڑکی کو ملزمان سے بازیاب نہ کرواسکی ملزمان گھروں کو تالے لگا کر فرار ہوگئے مقدمہ مدعیہ ریحانہ بی بی کی ڈی پی او قصور عمران کشور سے نوٹس کی اپیل ضلع قصور کی تحصیل چونیاں تھانہ سٹی کے علاقہ ہر چوکی کی رہائشی خاتون ریحانہ بی بی نے تھانہ میں درخواست گزاری کہ میری عدم موجودگی میں کرانی والا رسولپور کے نامزد تنویر ،فیاض ،رشید شمائلہ بی بی سمیت دیگر ملزمان میرے گھر آئے اور میری بہو ثنا یٰسین کو اسلحہ کے زور پر اغوا کرکے لے گئے اور ملزمان ساتھ جاتے ہوئے ہزاروں روپے کی نقدی رقم بھی ساتھ لے گئے ہیں 22 روز گزر گئے مگر تاحال میری بہو کو تھانہ سٹی چونیاں پولیس ملزمان سے برآمد نہ کرواسکی مقدمہ مدعیہ نے ڈی پی او قصور عمران کشور سے اپیل کی ہے کہ فوری طورپر میری بہو کی بازیاب کروائیں۔
