کوٹلی(مانیٹرنگ ڈیسک ، آ ن لائن )آزاد کشمیر کے ضلع باغ کے حلقے ہاڑی گل ایل اے 15کے پولنگ سٹیشن پر پیپلز پارٹی اور پاکستان تحر یک انصاف کے کارکنا ن آپس میں گتھم گتھا ہوگئے اور دونوں جانب سے لاتوں مکوں کا آزادانہ استعمال کیا گیا۔پولیس حکام کا کہنا ہے

کہ ووٹ ڈالنے کی وجہ سے دونوں جماعتوں کے کارکنان کا جھگڑ ا ایک دوسرے سے ہوا جس کے بعد پولنگ کچھ دیر کے لئے روک دی گئی تھی ، اب حالات قابو میں ہیں پولنگ کا عمل دوبارہ جلد شروع ہو جائے گا۔یا درہے اس سے قبل بھی پاکستان پیپلز پارٹی او ر پاکستان تحریک انصاف کے کارکنوں کے درمیان تصادم ہوا تھا،واقعے میں فائرنگ سے ایک شخص جاں بحق جبکہ دو زخمی ہوگئے۔پی پی اور پی ٹی آئی کے کارکنوں کے درمیان تصادم کا واقعہ ایل اے 12چڑھوئی میں پیش آیا ہے جبکہ جاں بحق ہونے والے شخص کی شناخت وحید کے نام سے ہوئی ہے اور اس کا تعلق پی ٹی آئی ہے۔ دوسری جانب راولا کوٹ کے حلقہ ایل اے 20ریڑبن میں ووٹرز نے احتجاج کرتے ہوئے پولنگ سٹیشن کو تالے لگا دیئے ہیں اور پولنگ عملے کو بھی سٹیشن کے اندر داخل نہیں ہونے دیا جارہا۔مظاہرین کا کہنا ہے کہ ہمارے 150ووٹ دوسری جگہ منتقل کردیئے گئے ہیں۔دریں اثنا پاکستان پیپلز پارٹی کے امیدوار چوہدری یاسین کی

گاڑی پر ہونے والی فائرنگ کے دوران پی پی رہنما بال با ل بچ گئے۔پیپلز پارٹی کشمیر کے مرکزی رہنما چوہدر ی محمد یاسین کی گاڑی پر فائرنگ کاواقعہ چڑھوئی کے مقام پر پیش آیا ہے ، فائرنگ سے گاڑی چھلنی ہوگئی ہے جبکہ چوہدری یاسین خود محفوظ رہے ہیں۔پی پی امیدوار چوہدری یاسین نے الیکشن کمیشن اور انتظامیہ سے مطالبہ کیا ہے کہ فائرنگ کے واقعے پر فوری کارروائی کی جائے۔