کوئٹہ (آن لائن) بلوچستان کے مختلف اضلاع میں حالیہ مون سون کی طوفانی بارشوں اور ہوائوں نے تباہی مچا دی چھتیں ‘ دیواریں گرنے اور سیلابی ریلے میں بہہ جانے سے 4 بچوں اور 4 خواتین سمیت 24 افراد جاں بحق جبکہ 10 سے زائد افراد زخمی ہوگئے بارشوں اور سیلابی ریلے آنے کے باعث کئی مکانات کو نقصان سمیت رابطہ سڑکوں کو نقصان پہنچا
متاثرہ اضلاع میں پی ڈی ایم اے کی جانب سے امدادی سرگرمیاں تیزی سے جاری ہیں اور نقصانات کے لئے سروے رپورٹ بھی تیار کی جارہی ہے پی ڈی ایم اے کی جانب سے تازہ جاری رپورٹ کے مطابق بلوچستان میں حالیہ مون سون کی طوفانی بارشوں اور تیز ہوائوں کے باعث کچے مکانات ‘ دیواریں گرنے اور سیلابی ریلے میں بہہ جانے سے ضلع کیچ میں پانچ لسبیلہ میں چار پشین میں 05 زیارت میں 03 چاغی میں 02 واشک اور کوہلو میں 02 موسیٰ خیل میں ایک جبکہ 10 سے زائد افراد ان اضلاع میں زخمی ہوگئے جاں بحق افراد میں 04 بچے اور 4 خواتین بھی شامل ہیں جبکہ طوفانی بارشوں کے باعث ندی نالوں میں بڑے پیمانے پر سیلابی ریلے آنے کے باعث 18 مکانات منہدم ہو گئے رپورٹ کے مطابق ایک پل اور 6 رابطہ سڑکیں سیلابی ریلے میں بہہ گئیں پی ڈی ایم کی جانب سے ان متاثرہ اضلاع کے ڈپٹی کمشنرز کی جانب سے ڈیمانڈ دی گئیں پی ڈی ایم اے کی جانب سے متاثرہ اضلاع میں اب تک 170 ٹینٹ 130 ملاسٹک میٹ 120 چارپائی 140 کچن سیٹ سولر لائٹس 170 پانی کے کولر 110 چیری کین 75 ہائی جین کٹ 80 اور دیگر امدادی سامان پہنچا دیا گیارپورٹ کے مطابق حالیہ بارشوں سے متاثرہ اضلاع میں پی ڈی ایم اے نے عید کے ایام میں تمام افسران سمیت ملازمین کی چھٹیاں بند کر رکھی ہیں اور عید کے ایام میں بھی بھرپور طریقے سے پی ڈی ایم اے نے متاثرہ اضلاع
میں امدادی سرگرمیوں میں بڑھ چڑھ کر حصہ لیا اور جن جن اضلاع سے ڈپٹی کمشنر کی جانب سے جو بھی ڈیمانڈز آرہی تھیں اسے پورا کرنے کی بھرپور کوشش کی گئی اور پی ڈی ایم اے ایمرجنسی کنٹرول روم بھی مکمل طور پر فعال ہے صوبائی وزیرداخلہ اور پی ڈی ایم اے ضیاء اللہ لانگو ڈی جی پی ڈی ایم اے بلوچستان نصیرناصرخودپی ڈی ایم اے کی امدادی سرگرمیوں کی نگرانی کررہے ہیں ۔
