سانگلہ ہل(آن لائن)پولیس نے 70 سالہ بزرگ اور اس کے بیٹے کو پولیس چوکی میں بلا کر بدترین تشدد کا نشانہ بنا ڈالا،تفصیلات کے مطابق تھانہ صدر کے نواحی گائوں چیلے کی چک 120 میں زرعی زمین کے تنازع پر 2 فریقین کے مابین لڑائی جھگڑا ہو گیا جس کا کیس عدالت میں چل رہا ہے بزرگ اپنے کھیت میں پانی لگائے بیٹھا تھا کہ مخالفین نے حملہ کردیا
مخالفین نے 70 سالہ بزرگ پر بدترین تشدد کیا جس کے نتیجہ میں 70 سالہ بزرگ کا ایک دانت ٹوٹ گیا،جس پر لواحقین نے چوکی پنڈوریاں ، تھانہ صدر سانگلہ ہل میں درخواست دے دی، پنڈوریاں چوکی پولیس کی جانب سے کارروائی کرنے کے لیے رقم کا مطالبہ کیا گیا جو وہ نہ دسے سکے ، پولیس چوکی انچارج نے فون کر کے بزرگ کو چوکی بلایا ،، بزرگ اپنے بیٹے امجد عباس کے ہمراہ چوکی پنڈوریاں پہنچا ، ملزمان پہلے ہی چوکی میں بیٹھے پولیس کے ساتھ خوش گپیوں میں مصروف تھے،پولیس نے ملزمان کے سامنے بزرگ سے بدتمیزی کی توبیٹے امجد عباس کے منع کرنے پر پولیس نے باپ بیٹے کو حوالات میں بند کرکے بدترین تشدد کا نشانہ بنا ڈالا،بے گناہ مدعی پر بے تحاشا تشدد کیاگیا، پولیس نے ملزمان کے ساتھ ساز باز ہو کرزیادتی کی ہے، باپ بیٹے کو انصاف دینے کی بجائے الٹا بدترین تشدد کا نشانہ بنایا گیا امجد عباس اور اس کے والد ارشاد احمد نے گفتگو کرتے ہوئے کہا کہ ہمارے ساتھ زیادتی کی گئی ہے انصاف دیا جائے۔
