اسلام آباد (مانیٹرنگ ڈیسک)اسلام آباد میں ٹریفک پولیس اہلکاروں سے بدتمیزی کرنے والی خاتون سینیٹر لیاقت ترکئی کی بھتیجی اور سینیٹر ذیشان خانزادہ کی سالی اور صوبائی وزیر کے پی کے شہرام ترکئی کی چچا زاد بہن ہیں، اس طرح بدتمیز ی کرنے والی خاتون کا
تعلق معروف سیاسی خاندان سے نکلا۔ نجی ٹی وی جی این این کے مطابق خاتون کے خلاف تھانہ کوہسار نے مقدمہ درج کر لیا تھا، پولیس نے خاتون کی گاڑی کی فینسی نمبر پلیٹس اتار لی تھیں جس پر اس نے پولیس اہلکاروں سے بدتمیزی کی تھی، مقدمے میں پولیس سے ہاتھا پائی اور حملہ آورہونے کی دفعات شامل کی گئی ہیں لیکن پولیس حکام کی جانب سے اس مقدمے کو سیل کر دیا گیا ہے، نجی ٹی وی کے مطابق جو مقدمات سیل ہوتے ہیں ان کے مجرمان گرفتار نہیں کئے جاتے۔ اس طرح پولیس کی جانب سے ایک طرح کا خاتون کو تحفظ بھی فراہم کیا گیا ہے اور ضابطے کی کارروائی بھی جاری ہے۔
