اسلام آباد(آن لائن)ایف بی آر نے ٹیکس کے نام پر عام شہریوں کو تنگ کرنا شروع کر دیا ہے ،نوٹس بھیج کر ہراساں کیاجانے لگا ،افسران شکایات سننے کو تیار نہیں ،وفاقی دارلحکومت سے سینکڑوں شہریوں نے عدالتوں میں جانے کا فیصلہ کر لیا ہے ۔ذرائع سے معلوم ہوا ہے کہ

وزیرا عظم عمران خان کی جانب ٹیکس جمع کرنے کا ٹاسک ملنے پر ایف بی آر شتر بے مہار ہی بن گیا اور روز مرہ دیہاڑی داروں کو نوٹس ملنا شروع ہو گئے ہیں،ایک شہری نے نام نہ لکھنے کی شرط پر بتایا کہ انکے اکائونٹ میں 60لاکھ روپے تھے جس کی مدد میں انہوںنے 8لاکھ روپے سے زائد کا ٹیکس دیا،اور پھر اکائونٹ ہی خالی ہو گیا ،بزنس فلاپ ہو گیا اور عام سی پرائیویٹ نوکری شروع کر دی،لیکن بدقسمتی سے پرانے ساٹھ لاکھ کو لیکر ایف بی آر نے نئے نوٹس بھیجنے شروع کر دیے ہیں اور اس حوالہ سے متعدد بار انکے دفتر میں بھی گیا تاہم کوئی شنوائی نہ ہوئی اور آخر تنگ آ کر شہری نے اکائونٹ ہی بند کر دیا ،باوجود اس کے پھر بھی انسپکٹر آڑھائی لاکھ کا ٹیکس لیکر پہنچ گئے اور کھلی آفر دیدی کہ سرکار کے کھاتہ میں آڑھائی لاکھ دینا پسند کریں گے یا مجھے پچاس ہزار،شہری نے انکی شکایت انکی ایک خاتون آفیسر سے کی مگر وہ بھی عیدی مہم لیکر بیٹھی ہوئی تھیں،ذرائع کا کہنا ہے کہ عام شہریوں نے ایف بی آر کے خلاف عدالت جانے کا فیصلہ کر لیا ہے ،دوسری جانب ایف بی آر ذرائع کا کہنا ہے کہ اس موضوع پر سینکڑوں شکایا ت ایف بی آر حکام کے پاس موجود ہیں اور درجنوں پر انکوائریاں ہو رہی ہیں ۔