اسلام آباد (این این آئی)کالاباغ ڈیم کے متاثرہ شخص خان محمد نے سپریم کورٹ سے رجوع کر لیا ۔ زمین کا معاوضہ ادا نہ کرنے کیخلاف سپریم کورٹ میں درخواست دائر کر دی۔ درخواست میں استدعا کی گئی کہ کالاباغ ڈیم کی انتظامیہ کو میری رقم ادا کرنے کا حکم دیا جائے،محکمے نے 107 کنال سے زائد زمین لے لی مگر اس کا معاوضہ نہیں دیا،ہماری زمینوں کا ریکارڈ بھی فراہم نہیں کیا جارہا ہے۔موقف اختیار کیاگیاکہ دس سال سے مقدمہ ٹرائل کورٹ میں زیر التوا ہے،وزیر اعظم عمران خان کو بھی درخواست دی مگر کوئی شنوائی نہیں ہوئی۔موقف اختیار کیا گیا کہ زمین کے حصول کیلئے اپنی ساری جمع پونجی لگا کر مقروض ہوچکا ہوں۔