کراچی(این این آئی)ماہرین نے خدشہ ظاہرکیاہے کہ جانور کورونا وائرس کو دوبارہ انسانوں میں منتقل کر سکتے ہیں اور کتوں سے زیادہ بلیوں میں اس بات کے

زیادہ امکانات ہیں۔تحقیق کے مطابق مالک کے ساتھ بستر پر سونے والی بلی میں کورونا کے خطرات زیادہ پائے جاتے ہیں۔ کورونا وائرس کی تشخیص اور پھیلا ئوکو روکنے کے حوالے سے تحقیقات جاری ہیں اور آئے روز کورونا وائرس سے متعلق تحقیقات سامنے آ رہی ہیں۔جرمنی کی ایک یونیورسٹی میں ہونے والی تحقیقات میں یہ بات سامنے آئی ہے کہ بلیاں کورونا وائرس کو اپنے جسم میں محفوظ رکھتے ہوئے انسانوں میں اس وائرس کو منتقل کرنے کا سبب بن سکتی ہیں۔اس ضمن میں ڈاکٹر ایلس نے کہاکہ کورونا کے مریضوں کو اپنے پالتو جانوروں کو دور رکھنا چاہیے کیونکہ وہ اس وائرس کو آسانی کے ساتھ دوسروں میں منتقل کر سکتے ہیں۔انہوں نے کہاکہ ہمیں اس بات پر تحفظات نہیں کہ جانوروں میں کورونا ہے کہ نہیں لیکن یہ کورونا وائرس کو دوبارہ انسانوں میں منتقل کر سکتے ہیں۔