جمعرات‬‮ ، 14 اگست‬‮ 2025 

شرجیل میمن کیس کا تفتیشی افسر نوکری سے فارغ

datetime 3  جولائی  2021
ہمارا واٹس ایپ چینل جوائن کریں

کراچی، لاہور(این این آئی، آن لائن)سابق صوبائی وزیر شرجیل میمن و دیگر کے خلاف آمدن سے زائد اثاثے بنانے سے متعلق ریفرنس کے تفتیشی افسر محمد عمیر کو نوکری سے فارغ کردیا گیا۔نوٹیفیکیشن کے مطابق محمد عمیر پرمس کنڈیکٹ اور حساس معلومات غیر متعلقہ شخص

کو دینے کا الزام تھا۔محمد عمیر کے برطرفی نوٹیفیکیشن میں کہا گیا کہ انہیں 2 دسمبر 2020 کو پہلا شوکاز جاری کیا گیا تھا۔نوٹیفیکیشن کے مطابق محمد عمیر نوکری سے فارغ کرنے کا فیصلہ 30 دن میں چیلنج کرسکتے ہیں۔دریں اثناکراچی کی احتساب عدالت کلفٹن میں غیر قانونی الاٹمنٹ ریفرنس کی سماعت فاضل جج کی رخصت کے باعث لنک عدالت میں ہوئی، سابق سٹی ناظم مصطفی کمال اور دیگر ملزمان احتساب عدالت میں پیش ہوئے۔دوران سماعت عدالت نے مصطفی کمال و دیگر کے خلاف کلفٹن میں غیر قانونی الاٹمنٹ کے ریفرنس کیس میں تفتیشی افسر کو اصل دستاویزات پیش کرنے کا حکم دیتے ہوئے مزیدسماعت 27 جولائی تک کے لیے ملتوی کردی۔ عدالت نے آئندہ سماعت پر سب رجسٹرار پراپرٹیز کو بھی اصلی دستاویزات پیش کرنے کا حکم دے دیا۔دوسری جانب لاہور کی احتساب عدالت نے مسلم لیگ نون کے رہنما خواجہ محمد آصف کیخلاف آمدن سے زائد اثاثہ جات کیس پر سماعت 12 اگست تک ملتوی کردی۔

احتساب عدالت کے جج شیخ سجاد احمد نے ریفرنس کی سماعت کی، خواجہ آصف اپنے وکلاء کے ہمراہ وفاقی کالونی میں قائم احتساب عدالت میں پیش ہوئے۔عدالت نے کیس کی سماعت 12 اگست تک ملتوی کر دی، نیب کے مطابق خواجہ آصف 1991ء میں سینیٹر بنے اور اس وقت ان کے مجموعی اثاثے 51 لاکھ روپے تھے، 2018ء تک خواجہ آصف کے اثاثے 221 ملین تک پہنچ گئے جو ملزم کی ظاہری آمدن سے مطابقت نہیں رکھتے۔

موضوعات:

آج کی سب سے زیادہ پڑھی جانے والی خبریں


کالم



شیلا کے ساتھ دو گھنٹے


شیلا سوئٹزر لینڈ میں جرمنی کے بارڈرپر میس پراچ(Maisprach)میں…

بابا جی سرکار کا بیٹا

حافظ صاحب کے ساتھ میرا تعارف چھ سال کی عمر میں…

سوئس سسٹم

سوئٹزر لینڈ کا نظام تعلیم باقی دنیا سے مختلف…

انٹرلاکن میں ایک دن

ہم مورج سے ایک دن کے لیے انٹرلاکن چلے گئے‘ انٹرلاکن…

مورج میں چھ دن

ہمیں تیسرے دن معلوم ہوا جس شہر کو ہم مورجس (Morges)…

سات سچائیاں

وہ سرخ آنکھوں سے ہمیں گھور رہا تھا‘ اس کی نوکیلی…

ماں کی محبت کے 4800 سال

آج سے پانچ ہزار سال قبل تائی چنگ کی جگہ کوئی نامعلوم…

سچا اور کھرا انقلابی لیڈر

باپ کی تنخواہ صرف سولہ سو روپے تھے‘ اتنی قلیل…

کرایہ

میں نے پانی دیا اور انہوں نے پیار سے پودے پر ہاتھ…

وہ دن دور نہیں

پہلا پیشہ گھڑیاں تھا‘ وہ ہول سیلر سے سستی گھڑیاں…

نیند کا ثواب

’’میرا خیال ہے آپ زیادہ بھوکے ہیں‘‘ اس نے مسکراتے…