لاہور، بہاولپور(این این آئی) وحدت کالونی میں برطانیہ سے آنے والی لڑکی سے مبینہ زیادتی کی گئی۔پولیس کے مطابق لڑکی والد کی وفات پر پاکستان آئی جسے سوتیلی والدہ نے گھر سے نکال دیا تھا، متاثرہ لڑکی والد کے دوست کے گھر رہائش پذیر تھی جہاں والد کے دوست کے
بیٹے نے لڑکی سے مبینہ زیادتی کی۔پولیس کا کہنا ہے کہ ملزم کو گرفتار کرلیا گیا ہے جب کہ زیادتی کی تصدیق کیلئے متاثرہ لڑکی کا بھی میڈیکل کرایا جارہا ہے۔دوسری جانب بہاول پور میں موٹر سائیکل سواروں نے 2 کمسن لڑکیوں کو اغواء کرنے کے بعد زبردستی اجتماعی جنسی زیادتی کا نشانہ بنا ڈالا، زیادتی کے بعد دونوں لڑکیوں کو راستے میں پھینک کر فرار ہو گئے۔ایک لڑکی کے والد کی رپورٹ پر مقدمہ تو درج ہو گیا مگر ملزمان گرفتار نہ ہو سکے۔پولیس کے مطابق بہاول پور کے تھانہ دھوڑ کوٹ کی حدود میں واقع بستی لوہاری والی کی رہائشی کمسن سمیرا بی بی اپنی سہیلی امیمہ بی بی کے ہمراہ سودا سلف لے کر پیدل گھر جا رہی تھی کہ راستے میں موٹر سائیکل سوار محمد اظہر اور محمد صدیق درکھان نے لڑکیوں کو گھر تک چھوڑنے کا جھانسہ دے کر اغواء کر لیا۔دونوں ملزمان نے نامعلوم مقام پر لے جا کر دونوں لڑکیوں کو زبردستی زیادتی کا نشانہ بنانے کے بعد راستے میں پھینک دیا اور فرار ہو گئے۔زبردستی زیادتی کا نشانہ بننے والی سمیرا کے والد کی مدعیت میں تھانہ دھوڑ کوٹ نے مقدمہ درج کر لیا ہے، مگر پولیس ابھی تک ملزمان کو گرفتار کرنے میں کامیاب نہیں ہوئی ہے۔
