لندن (این این آئی)برطانیہ کے قصبے شیلڈن کے قریب کائونٹی ڈرہم میں ایک بنگلے کی فروخت کے لیے اشتہار لگایا گیا ہے جس کی کم سے کم بولی ایک پائونڈ لگائی گئی ہے۔برطانوی اخبار کے مطابق دو کمروں پر مشتمل تجدید شدہ ڈالٹن کاٹیج کے باہر کی جانب دوبیت الخلا اور

سینٹرل ہیٹنگ کا نظام بھی موجود ہے۔2006 میں اس بنگلے کو 49 ہزار پائونڈ میں فروخت کیا گیا تھا لیکن اب اس کی فوری طور پر فروخت کو یقینی بنانے کے لیے اس کی کم سے کم بولی کی قیمت صرف ایک پائونڈ لگائی گئی ہے تاکہ زیادہ سے زیادہ خریدار اس بولی میں حصہ لے سکیں۔یہ بنگلہ 1930 کی دہائی میں تعمیر کیا گیا ہے اوراس میں سینٹرل ہیٹنگ کی سہولت موجود ہے۔ اس بنگلے میں نئی قالینیں بچھائی گئی ہیں اورفرش کی تزئین و آرائش بھی کی گئی ہے۔اس پراپرٹی کے عقب میں کشادہ صحن اور باغ بھی موجود ہے۔برطانیہ کے اس سستے ترین بنگلے کی 30 جون کو بولی ہوگی جس میں پہلی بار خریدنے والے افراد بھی شرکت کریں گے۔پراپرٹی نیلام کرنے والے ایجنٹ کا کہنا تھا کہ یہ مثالی بنگلہ متعدد ممکنہ خریداروں کے لیے موزوں ہے جس میں پہلی بار خریداری کرنے والے قیمت کی ادائیگی کے لیے ڈاون سائز کے آپشن کے ساتھ شرکت کرسکیں گے۔ایجنٹ کے مطابق اس بنگلے میں پوری طرح سے دوبارہ کام کرایا گیا ہے اور حال ہی میں بالکل نئے زینیں بھی بنائے گئے ۔رہائشی علاقے میں بنا ہوا ڈیلٹن کاٹیجس شیلڈن ریلوے اسٹیشن سے تھوڑے فاصلے پر واقع ہے۔