اسلام آباد (این این آئی)وفاقی وزیر خزانہ شوکت ترین نے معاشی ماہرین اور حکومتی رہنمائوں سے اہم ملاقاتیں کیں جس میں نوجوانوں کیلئے آئندہ بجٹ میں بھی خطیر رقم مختص کئے جانے کا فیصلہ کیا گیا ۔ بدھ کو وزیر خزانہ شوکت ترین اور سربراہ کامیاب
جوان پروگرام عثمان ڈار نے ملاقات کی ،کامیاب جوان پروگرام کیلئے 100 ارب روپے کی رقم مختص کئے جانے کا امکان ہے ۔شوکت ترین نے کہاکہ نوجوانوں میں رقم کی تقسیم کا عمل ہر صورت تیز کرنا ہوگا، دیئے گئے قرض کو آئندہ مالی سال میں ڈبل کریں گے۔ عثمان ڈار نے کہاہک انٹرپینیورشپ کا کلچر عام کرنے کیلئے کامیاب جوان پروگرام سب سے اہم منصوبہ ہے، وزیراعظم اور وزیر خزانہ کی ذاتی دلچسپی پر شکر گزار ہوں، پہلی بار کسی حکومت نے اپنے نوجوانوں پر براہ راست سرمایہ کاری شروع کی ہے۔ عثمان ڈار نے کہاکہ کامیاب جوان محض ایک پروگرام نہیں خاموش انقلاب ہے، آہستہ آہستہ تمام رکاوٹیں دور ہو گئی ہیں اب پوری کوشش نوجوانوں کو اوپر اٹھانے پر ہے
