قصور( آن لائن ) منڈی عثمانوالہ میں چار افراد نے مزدوری کے بہانے بلا کر 12 سالہ یتیم بچی کو اجتماعی زیادتی کا نشانہ بنادیا۔پولیس نے بتایا کہ بچی کھیتوں میں مزدوری کرکے ماں و دیگر کا پیٹ پالتی ہے، زیادتی کا شکار بچی کا والد فوت ہوچکا ہے،والدہ بھی ذہنی معذور ہے۔ڈی پی اوعمران کشور نے بتایا کہ ملزمان علی رضا، ذوالفقار اور
عثمان کے خلاف مقدمہ درج کرکے گرفتارکرلیا، ملزم رضا بچی کو مزدوری کے بہانے کھیتوں میں لے گیا جہاں پہلے سے موجود دوستوں کے ساتھ مل کر زیادتی کی۔ملزمان زیادتی کے بعد فرار ہوئے، جیو فینسنگ سمیت جدید طریقے سے گرفتاری عمل میں آئی۔ ملزمان سیاسی طور پر راضی نامہ کرنے کے لئے دباؤ ڈال رہے ہیں۔دوسری جانب پتوکی نامعلوم چوروں نے پٹواری کے گھر میں گھس کر سیف الماری کا تالا توڑ کر 22 لاکھ روپے کے طلائی زیورات اور لاکھوں روپے کی نقدی رقم لے گئے پولیس نے واقع کی تحقیقات شروع کردی گزشتہ روز تحصیل پتوکی کے علاقہ لکھو ڈیر کا رہائشی پٹواری امجد علی اپنے گھر سو رہا تھا کہ پنے کے شور کی وجہ سے کوئی آواز سن نہ سکا نامعلوم چور اس کے گھر آئے اور سیف الماری کے تالے توڑ کر 22 لاکھ 55’ہزار روپے کا طلائی زیورات اور دو لاکھ روپے سے زائد کی نقدی رقم چوری کرکے لے گے اطلاع ملتے ہی پولیس موقع پر پہنچ گئی امجد علی پٹواری نے مقدمہ اندراج کیلئے نامعلوم چوروں کے خلاف تھانہ سرائے مغل پولیس کو تحریری درخواست دے دی ۔ گذشتہ روز واپڈہ ایس ڈی او کاہنہ عامر عزیزکا غیرقانونی ہاوسنگ سوسائٹی میں گرینڈ آپریشن ، ہاوسنگ سوسائٹی کو غیر قانونی بجلی دینے کی کوشش ناکام بنا دی ۔ غیر قانونی طریقے سے سوسائٹی میں بجلی
پولز لگانے پر متعلقہ افراد کے خلاف مقدمہ درج۔واپڈہ ایس ڈی او کاہنہ عامر عزیزکا میڈیا نما ئندگان سے گفتگو کے دوران کہنا تھا کہ نجی سوسائٹی ایلیٹ ٹاون جس کے بلاک ڈی, ای, ایف , ایل ڈی اے سے منظور شدہ نہیں ہے اور وہاں بجلی گیس پانی بھی منظور شدہ نہیں۔ وہاں پولیس کے ریٹائرڈ کانسٹیبل امانت علی اور مشہور زمانہ ڈیلر سلیم کی بدمعاشی سے 14 پولز لگا کر غیر قانونی بجلی دینے کی کوشش کی گئی جوکہ ہماری ٹیم نے ناکام بنا دی ۔مزید
انکا کہنا تھا کہ واپڈہ اہلکار نے جب وہ سب غیر قانونی پولز کو اتارنے کی کوشش کی تو انہیںملزمان کی طرف سے سخت مزاحمت، سنگین نتائج اور اسلحہ دیکھا کر جان سے مارنے کی دھمکیاں دی گئی ۔محکمہ واپڈا نے ملزمان کیخلاف مقدمہ نمبر 1325/21 تھانہ کاہنہ میں درج کروا دیا۔عامر عزیز کا مزید کہنا تھا کہ غیر قانونی کنکشنز رکھنے والوں کے خلاف بلا تفریق لیسکو کی قانونی کاروائی جاری رکھی جائے گی۔ بجلی چوروں کے خلاف کریک ڈاؤن آنے والے دنوں میں بھی جاری رہے گا۔
