کراچی(این این آئی)انٹر بینک میں پاکستانی روپے کے مقابلے میں امریکی ڈالر کی قدر میں 30پیسے کی کمی ہوئی جب کہ اوپن مارکیٹ میں ڈالر مہنگا ہوگیا۔فاریکس ایسوسی ایشن آف پاکستان کے مطابق گزشتہ روز انٹر بینک میں روپے کے مقابلے ڈالر کی قیمت خرید30پیسے کی کمی سے154.45روپے سے گھٹ کر154.15روپے اورقیمت فروخت 154.55روپے سے گھٹ کر154.25روپے ہوگئی

جب کہ مقامی اوپن کرنسی مارکیٹ میں ڈالر کی قیمت خرید30پیسے کے اضافے سے154.40روپے سے بڑھ کر154.70روپے اور قیمت فروخت154.70روپے سے بڑھ کر 155روپے ہو گئی۔دیگر کرنسیوں میں یورو کی قیمت خرید30پیسے کے اضافے سے187روپے سے بڑھ کر187.30روپے اور قیمت فروخت188.50روپے سے بڑھ کر 188.80روپے ہوگئی جب کہ برطانوی پونڈ کی قیمت خرید217.80روپے اور قیمت فروخت 219.30روپے مستحکم رہی۔واضح رہے کہ انٹر بینک اور مقامی اوپن کرنسی مارکیٹ میں گذشتہ ہفتے روپے کے مقابلے ڈالر کی قدر میں اضافے کا رجحان رہا ،فاریکس ایسوسی ایشن آف پاکستان کی رپورٹ کے مطابق گذشتہ ہفتے انٹر بینک میں روپے کے مقابلے ڈالر کی قدر میں55پیسے کا اضافہ ہوا جس سے ڈالر کی قیمت خرید153.90روپے سے بڑھ کر154.45روپے اور قیمت فروخت154روپے سے بڑھ کر154.55روپے پر جا پہنچی جبکہ اسی مدت کے دوران مقامی اوپن کرنسی مارکیٹ میں ڈالر کی قدر30پیسے بڑھ گئی جس کے بعد ڈالر کی قیمت خرید 154روپے سے بڑھ کر154.40روپے اور قیمت فروخت154.40روپے سے بڑھ کر154.70روپے پر آ گئی ۔فاریکس رپورٹ کے مطابق زیر تبصرہ مدت میں یورو کی قدر میں 20پیسے کا اضافہ ہوا جس سے یورو کی قیمت خرید 186.80روپے سے بڑھ کر187روپے اور قیمت فروخت188.30روپے سے بڑھ کر188.50روپے ہو گئی جبکہ1.30روپے کے نمایاں اضافے سے برطانوی پونڈ کی قیمت خرید 216.50روپے سے بڑھ کر217.80روپے اور قیمت فروخت218روپے سے بڑھ کر219.30روپے پر جا پہنچی ۔فاریکس رپورٹ کے مطابق ہفتہ کو مقامی اوپن کرنسی مارکیٹ میں روپے کے مقابلے ڈالر کی قدر مستحکم رہی جبکہ یورو کی قدر میں50پیسے کا اضافہ اور برطانوی پونڈ کی قدر میں 20پیسے کی کمی ریکارڈ کی گئی ۔