پشاور (این این آئی)وزیر اعلی خیبر پختونخوا محمود خان نے بھیس بدل کر ڈپٹی کمشنر پشاور دفتر کا اچانک دورہ کر کے رشوت لیتے کلرک اور عملہ کو رنگے ہاتھوں پکڑ لیا ۔ پیر کو وزیر اعلی محمود خان عام شہریوں میں کھڑے ہو کر جائزہ لیتے رہے،لائسنس برانچ کے کلرک اور دیگر عملہ کو رشوت لیتے ہوئے رنگے ہاتھوں پکڑ لیا۔دو اہلکار کو معطل کرکے معاملات کی مکمل انکوائری کیلئے تحقیقاتی کمیٹی بنانے کا اعلان کر دیا، وزیر اعلیٰ نے کہاکہ تمام اداروں و محکموں پر واضح ہوکہ غفلت و بدعنوانی برداشت نہیں کی جائے گی۔ وزیراعلیٰ نے کہاکہ خود عوام کے درمیان جاکر جائزہ لیتا رہونگا۔ کسی کو معاف نہیں کیا جائے گا۔