اسلام آباد(مانیٹرنگ ڈیسک)پیٹرول ،ڈیزل مہنگا ہونے پر لاہور میں کھوتا چنگچیاں چلنے لگیں ، مالکان نے موٹر سائیکلیں بیچ کر گدھے خرید لیے، اس اقدام سے شہریوں کے لیے بھی سستا سفر ممکن ہو گیا ، اکیسیویں صدی کے شہر میں 19 ویں صدی کی یادیں بھی تازہ۔میڈیا رپورٹس کے مطابق زندہ دلوں کے شہر لاہور میں اب چلنے لگی ہے گدھا چنگ چی ، اس گدھا چنگ چی میں لڑکیاں بڑے شوق سے سفر کرتی ہیں، ان کا کہنا ہے کہ اس پر

بیٹھ کر تانگے کا مزا بھی آتا ہے اور چنگ چی کا بھی۔چنگ چی گدھا گاڑی چلانے والے محنت کش کہتے ہیں کہ چنگ چی کو رواں دواں رکھنے والی موٹر سائیکل ہی نہیں، پٹرول بھی بہت مہنگا ہے، جبکہ چنگ چی گدھا گاڑی کا گدھا بھی سستا اور اس کی خوراک بھی سستی ہے۔چنگ چی گدھا گاڑی والے اس لئے بھی خوش ہیں کہ ان کی ٹریفک چالان سے جان بھی چھوٹ گئی ہے کیونکہ گدھے کا چالان کرنے کا کوئی قانون ہی موجود نہیں ہے ۔