اسلام آباد (آئی این پی) وزیرمملکت برائے مواصلات مراد سعید نے کہا ہے کہ مواصلات کے 34منصوبوں میں تاخیر ہوئی،کنٹریکٹس میں چند کمپنیز کو بار بار نوازا گیا،سیاسی مداخلت پر امیر مقام کو ٹھیکہ دیا گیا، دیکھنا ہو گا کہ ایک ارب کا منصوبہ 25ارب کا کیسے ہو گیا،غلط بڈنگ اور غلط کنٹریکٹ کے خاتمے کیلئے ای سسٹم لائیں گے، جس کیلئے وفاقی کابینہ سے اجازت لیں گے، موٹروے کے جتنے بڑے منصوبے ہیں ان کو جاری رکھیں گے ان کیلئے ٹوکن منی رکھی گئی ہے۔

وہ بدھ کو یہاں میڈیا سے غیر رسمی گفتگو کر رہے تھے۔وزیرمملکت برائے مواصلات مراد سعید نے کہا کہ مواصلات کے 34منصوبوں میں تاخیر ہوئی ہے، تاخیر سے ان منصوبوں کی لاگت میں 3گنا اضافہ ہو گیا ہے، مواصلات کے منصوبوں کے کنٹریکٹس میں چند کمپنیوں کو بار بار نوازا گیا ہے۔ انہوں نے کہا کہ وزارت مواصلات میں ای بڈنگ اور ای ٹینڈرنگ کے نظام متعارف کرائیں گے، چیئرمین این ایچ اے کے پاس بہت ساری گاڑیاں ہیں جن کی تفصیلات مانگ لی ہیں، منصوبوں میں تاخیر کیوں ہوئی اس پر آڈٹ کرایا جائے گا، چکدرہ کالام روڈ نہ بننے کی بڑی وجہ سیاسی اثرورسوخ ہے۔ مراد سعید نے کہاکہ سیاسی مداخلت پر امیر مقام کو یہ ٹھیکہ دیا گیا، اب دیکھنا ہو گا کہ ایک منصوبہ ایک ارب کا تھا تو 25ارب کیسے ہو گیا،غلط بڈنگ اور غلط کنٹریکٹ کے خاتمے کیلئے ای سسٹم لائیں گے، ای سسٹم نافذ کرانے کیلئے وفاقی کابینہ سے اجازت لیں گے، تاخیر ہونے والے منصوبوں کی لاگت میں 40سے 50فیصد اضافہ ہوا ہے۔ وزیرمملکت برائے مواصلات نے کہا کہ موٹروے کے جتنے بڑے منصوبے ہیں ان کو جاری رکھیں گے، گزشتہ حکومت کے دور میں بہت سارے منصوبوں کیلئے ٹوکن منی رکھی گئی ہے۔ وزیرمملکت برائے مواصلات مراد سعید نے کہا ہے کہ مواصلات کے 34منصوبوں میں تاخیر ہوئی،کنٹریکٹس میں چند کمپنیز کو بار بار نوازا گیا،سیاسی مداخلت پر امیر مقام کو ٹھیکہ دیا گیا، دیکھنا ہو گا کہ ایک ارب کا منصوبہ 25ارب کا کیسے ہو گیا