کوہاٹ(سی پی پی) صوبہ خیبرپختونخوا کے شہر کوہاٹ کے علاقے اخوروال میں کوئلے کی کان میں گیس کے دھماکے کے نتیجے میں 9 مزدور جاں بحق ہوگئے، جن کی لاشیں نکال لی گئیں۔ میڈیا رپورٹس کے مطابق کوئلے کی کان میں گیس بھرنے سے دھماکا ہونے کا واقعہ کوہاٹ میں درہ آدم خیل کے علاقے اخوروال میں پیش آیا اور

کان میں 11 کان کن ملبے تلے دب گئے تھے جن میں سے 9افراد کی لاشیں نکال لی گئی ہیں جبکہ دیگر 2 افراد کو نکالنے کے لیے امدادی کارروائیاں جاری ہیں۔ تاہم خدشہ ظاہر کیا جارہا ہے کہ ہلاکتوں میں اضافہ ہو سکتا ہے ۔سیکیورٹی حکام کا کہنا تھا کہ کان میں گیس بھر جانے سے زور دار دھماکہ ہوا جس کے نتیجے کان بیٹھ گئی ۔

موضوعات:کوہاٹ