اتوار‬‮ ، 20 اپریل‬‮ 2025 

موسلادھار بارش کے بعدنئے پاکستان کا لاہور شہر ایک بار پھر پانی میں ڈوب گیا،متعدد ہلاک و زخمی

datetime 10  ستمبر‬‮  2018
ہمارا واٹس ایپ چینل جوائن کریں

لاہور (آن لائن) صوبائی دارالحکومت لاہور میں گزشتہ روز ہونے والے موسلادھار بارش کے بعدنئے پاکستان کا لاہور شہر ایک بار پھر پانی میں ڈوب گیا اور کرنٹ لگنے سے ایک شخص جان بحق اور متعدد افراد کے زخمی ہونے کی اطلا عات ملی ہیں بتایا گیا ہے کہ شہر میں ہونے والی موسلا دھار بارش کے دوران ریواز گارڈن میں ایک شخص بارش کے پا نی میں ٹوٹی بجلی کی تار سے گرنٹ لگنے کے باعث جان بحق ہو گیا لاش کو ضروری کارروائی کے لئے مردہ خانہ منتقل کر دیا گیا

جبکہ متعددافراد کے زخمی ہونے کی اطلات بھی ملی ہیں شہر کے نشیبی علاقوں سمیت پوش علاقے میں بارش کے پانی میں مکمل طور پر ڈوب گئے اور پانی کئی گھنٹوں تک سڑکوں پر کھڑا رہابارش کا پانی شہر کی بیشتر سڑکوں پر دن بھر موجود رہا اور لکشمی چوک ،کوپر روڈ ،فیروز پور روڈ ،گورنر ہاؤس ،مال روڈ پورے پانی میں ڈوب گئے جس کے باعث گاڑیاں اور موٹر سائیکلیں بارش کے پانی میں بند ہوتی رہیں اور سڑکوں پر گاڑیوں کی لمبی قطاریں لگ گئیں واسا سمیت دیگر عملہ اپنی ڈیوٹیوں سے غائب جس کے شہریوں کو شدید مشکلات کاسامنا کرنا پڑا بارش کے باعث لیسکو کا بجلی ترسیلی نظام بھی مکمل طور پر ٹھپ ہوگیا اور شہر کے 89 فیڈرز مکمل طور پر ٹرپ کر گئے جس کے بعد شہر کے بیشتر بجلی سے محروم ہوگئے علامہ اقبال انٹرنیشنل ائیرپورٹ کی حدود میں تیز بارش کے باعث 29 پروازیں متاثر ہوئیں ایئرپورٹ کی حدود میں بھی تیز بارش ریکارڈ کی گئی اور خراب موسم کے باعث علامہ اقبال انٹر نیشنل ایئر پورٹ پر 29 پروازیں متاثر ہوئیں جس میں 14 پروازیں منسوخ اور 15 تاخیر کا شکار ہیں منسوخ اور تاخیر کا شکار ہونے والی پروازوں میں ملکی اور غیر ملکی پروازیں شامل ہیں جب کہ سول ایوی ایشن حکام نے ہدایت کی ہے کہ محکمہ موسمیات کی جانب سے دی گئیں ہدایات پر عملدرآمد کیا جائے محکمہ موسمیات کے مطابق شہر میں

سب سے زیادہ بارش گلبرگ میں 80 ملی میٹر ریکارڈ کی گئی جب کہ پانی والا تالاب اور جیل روڈ پر 63، لکشمی چوک میں 55، سمن آباد میں 45، شالیمار لنک روڈ پر 21 اور بھاٹی گیٹ میں 14 ملی میٹر بارش ہوئی اسی طرح دو موریہ پل کے علاقے میں 12 ملی میٹر، ایک موریہ اور جی پی او میں 8 اور فرخ آباد میں 4 ملی میٹر بارش ریکارڈ کی گئی محکمہ موسمیات کے مطابق بارش کا سلسلہ

آئندہ 24 گھنٹوں کے دوران وقفے وقفے سے جاری رہے گا وزیراعلیٰ پنجاب سردار عثما ن بزدار نے انتظامیہ اور واسا کو الرٹ رہنے کی ہدایت کرتے ہوئے کہا ہے کہ متعلقہ افسران نکاسی آب کے تمام مراحل کی خود نگرانی کریں وزیراعلیٰ نے ہدایت کی کہ انتظامی افسران اور متعلقہ اسٹاف فیلڈ میں کام کرتے نظر آنا چاہییں اور افسران صورتحال معمول پر آنے تک مسلسل نگرانی کریں۔

آج کی سب سے زیادہ پڑھی جانے والی خبریں


کالم



ڈیتھ بیڈ


ٹام کی زندگی شان دار تھی‘ اللہ تعالیٰ نے اس کی…

اگر آپ بچیں گے تو

جیک برگ مین امریکی ریاست مشی گن سے تعلق رکھتے…

81فیصد

یہ دو تین سال پہلے کی بات ہے‘ میرے موبائل فون…

معافی اور توبہ

’’ اچھا تم بتائو اللہ تعالیٰ نے انسان کو سب سے…

یوٹیوبرز کے ہاتھوں یرغمالی پارٹی

عمران خان اور ریاست کے درمیان دوریاں ختم کرنے…

بل فائیٹنگ

مجھے ایک بار سپین میں بل فائٹنگ دیکھنے کا اتفاق…

زلزلے کیوں آتے ہیں

جولیان مینٹل امریکا کا فائیو سٹار وکیل تھا‘…

چانس

آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…