اسلام آباد(سی پی پی)عارف علوی نے پاکستان کے 13 ویں صدر کے عہدے کا حلف اٹھا لیا، چیف جسٹس نے نومنتخب صدر سے حلف لیا، قومی اسمبلی اور سینٹ کے اپوزیشن لیڈرز شہباز شریف اورراجہ ظفر الحق دعوت نامہ ملنے کے باوجود شریک نہیں ہوئے،تقریب میں وزیر اعظم عمران خان، چیئرمین جوائنٹ چیفس آف سٹاف کمیٹی جنرل زبیر حیات، آرمی چیف ،ایئر چیف، چیف آف نیول اسٹاف ، وفاقی وزرا، چیئرمین سینیٹ صادق سنجرانی، اسپیکر قومی اسمبلی اسد قیصر۔ وزیر خارجہ
شاہ محمود قریشی، اسپیکر بلوچستان اسمبلی عبدالقدوس بزنجو، گورنر سندھ ،پنجاب ، خیبرپختونخوا ،وزیراعلیٰ سندھ ، پنجاب بلوچستان بھی ایوان صدر میں موجود تھے، چین کے وزیر خارجہ اور سعودی عرب کے وزیر اطلاعات کے علاوہ غیرملکی سفیروں سمیت تاجر کمیونٹی کے نمائندوں اور مختلف شعبہ ہائے زندگی سے تعلق رکھنے والی شخصیات بھی حلف برداری کی تقریب میں شریک ہوئی۔تقریب کے بعدوزیر اعظم کی کفایت شعاری اور سادگی پالیسی کے تحت مہمانوں کی تواضع چائے اور بسکٹ سے کی گئی۔
