اسلام آباد (مانیٹرنگ ڈیسک)  بیرون ملک مقیم پاکستانیوں نے ڈیموں کی تعمیر کیلئے 1 کھرب، 23 ارب اور 22 کروڑ روپے دینے کا اعلان کیا ہے ۔ اس میں سر فہرست امریکا میں مقیم پاکستانی دنیا کی کھرب پتی شخصیت شاہد خان ہیں جنہوں نے عمران خان کی اپیل پرڈیم فنڈ میں ایک ارب ڈالر دینے کیلئے راضی ہو ئے ہیں ۔ وزیراعظم عمران خان نے پاکستان کے زرمبادلہ ذخائر کی صورتحال کو بہتر بنانے اور ڈیموں کی تعمیر کیلئے بیرون ملک مقیم پاکستانی کمیونٹی سے ڈالر ز میں عطیات بھیجنے کی اپیل کی ہے۔

باخبرذرائع نے پاکستانیوں کو خوشخبری سناتے ہوئے کہا ہے کہ بیرون ملک مقیم پاکستانیوں نے ڈیموں کی تعمیر کیلئے 1 کھرب، 23 ارب اور 22 کروڑ روپے دینے کا اعلان کیا ہے ۔ جن میں دنیا کے نامور شخصیت پاکستانی نژاد امریکی شہری شاہد خان نے ایک ارب ڈالر دینے کی رضا مندی ظاہر کی ہے تاہم اس حوالے سے ابھی تک انہوں خود اس کا باقاعدہ اعلان نہیں کیا ہے ۔ جبکہ اس کار خیر کیلئے عمران خان نے سینیٹر فیصل جاوید کو ذمہ داری سونپی ہے کہ وہ بیرون ملک جائیں اور ڈیم فنڈ ریزنگ کریں ۔