لاہور(نیوز ڈیسک) سموگ کے خدشات،وزیراعلی پنجاب عثمان بزدارنے متعلقہ محکموں کوچوکس رہنے کی ہدایت کردی،خلاف ورزی کرنے والوں کیخلاف کارروائی کابھی حکم دیدیا۔تفصیلات کے مطابق وزیراعلی پنجاب سردارعثمان بزدار نے سموگ کے خدشے کے باعث متعلقہ محکموں کوالرٹ رہنے کی ہدایت کردی متعلقہ ادارے سموگ سے نمٹنے کیلئے اپنی تیاریاں مکمل رکھیں جب کہ محکمہ زراعت فصلوں

کی باقیات جلانے پرپابندی پرعملدرآمدکرائے۔ وزیراعلی پنجاب نے مزید کہا کہ سموگ سے پیداہونیوالی بیماریوں سے بچائو کیلئے آگاہی ضروری ہے،محکمہ صحت پیشگی احتیاطی تدابیر بھی اختیار کرے آلودگی پھیلانیوالی صنعتوں کیخلاف کارروائی کی جائے،ٹائر جلانے پر پابندی پر سختی سے عملدرآمد یقینی بنایا جائے علاوہ ازیں خلاف ورزی کرنے والوں پر قانون کے تحت کارروائی بھی کی جائے گی۔

موضوعات:سموگ وزیراعلیٰ پنجاب عثمان بزدار