دبئی ( آن لائن ) متحدہ عرب امارات میں نئے ہجری سال کی مناسبت سے جمعرات13ستمبر کو عام تعطیل ہوگی۔ تمام سرکاری اداروں کے علاوہ نجی اداروں کے ملازمین کو ایک دن کی چھٹی ہوگی۔یہ بات ہیومن ریسورسز ادارے کے سربراہ ناصر بن ثانی الہاملی نے اپنے ایک بیان میں کہی۔
انہوں نے بتایا کہ نئے ہجری سال کی مناسبت سے عام تعطیل کے اعلان کے ساتھ امارات کے صدر شیخ خلیفہ بن زاید ، ولی عہد ابوظبی شیخ محمد بن زاید ، دبئی کے حکمران شیخ محمد بن راشد ال مکتوم اور اماراتی عوام کو نئے ہجری سال کی مناسبت سے مبارکباد پیش کرتے ہیں۔
