اسلام آباد(مانیٹرنگ ڈیسک)خاتون اول کی وزیراعظم عمران خان کے ہمراہ لاہور آمد، بشریٰ بی بی اپنی سہیلی فرح خان کے ہمراہ یتیم بچوں کے ادارہ دارالشفقت بچوں کیلئے کھانا لیکر پہنچ گئیں، دن کا کھانا بچوں کیساتھ کھائیں گی۔تفصیلات کے مطابق خاتون اول کی وزیراعظم عمران خان کے ہمراہ لاہور آمد ہوئی ہے ۔ خاتون اول بشریٰ بی بی نے لاہور میں یتیم بچوں کے ادارے دارالشفقت کا دورہ کیا ہے

ان کے ساتھ ان کی سہیلی فرح خان بھی ہیں ۔ خاتون اول یتیم بچوں کیلئے اپنے ساتھ کھانا بھی لیکر آئی ہیں اور وہ دن کا کھانا یتیم بچوں کے ساتھ دارالشفقت میں کھائیں گی۔ واضح رہے کہ خاتون اول کے ساتھ ان کی سہیلی فرح خان بھی ہیں جن کے ڈیفنس میں واقع گھر میں بشریٰ بی بی اور عمران خان کا نکاح ہوا تھا جبکہ خاور مانیکا اور ڈی پی او معاملے میں بھی فرح خان کے شوہر احسن جمیل گجر کا نام سامنے آیا ہے اور ڈی پی او رضوان گوندل نے سپریم کورٹ میں چیف جسٹس کے سامنے بیان دیتے ہوئے کہا ہے کہ انہیں جب وزیراعلیٰ ہائوس طلب کیا گیا تو وہاں پہنچنے پر وزیراعلیٰ عثمان بزدار نے اپنے ساتھ موجود شخصیت جو کہ احسن جمیل گجر تھے کا تعارف بھائی کے طور پر کرایا ۔ چیف جسٹس نے خاور مانیکا، ابراہیم مانیکا ، مبشرہ مانیکا، پی ایس ٹو وزیراعلیٰ حیدر ، احسن جمیل گجر و دیگر متعلقہ افراد کو پیر کے روز طلب کر رکھاہے۔ خاتون اول کے ساتھ ان کی سہیلی فرح خان بھی ہیں جن کے ڈیفنس میں واقع گھر میں بشریٰ بی بی اور عمران خان کا نکاح ہوا تھا جبکہ خاور مانیکا اور ڈی پی او معاملے میں بھی فرح خان کے شوہر احسن جمیل گجر کا نام سامنے آیا ہےچیف جسٹس نے دوران سماعت ریمارکس دیتے ہوئے کہا ہے کہ اگر ڈی پی او کا تبادلہ کسی شخصیت کے کہنے پر ہوا ہے تو یہ غیر قانونی ہے۔ چیف جسٹس نے وزیراعلیٰ پنجاب عثمان بزدار کے سرکاری اختیارات کے ناجائز استعمال پر 62ایف ون لگانے کا بھی عندیہ دیا ہے۔