اسلام آباد(سی پی پی ) وزیر دفاع پرویز خٹک نے کہا ہے کہ مسلح افواج کو وسائل اور سازو سامان کے لحاظ سے مضبوط بنایا جائیگا۔میڈیا رپورٹس کے مطابق پرویز خٹک نے بطور وفاقی وزیر دفاع عہدے کا چارج سنبھال لیا‘وزارت آمد پر نو تعینات سیکرٹری دفاع لیفٹیننٹ جنرل ریٹائرڈ اکرام الحق نے پرویز خٹک کا
استقبال کیا اور وزارت دفاع کے سینئر حکام سے تعارف بھی کرایا گیا۔اس موقع پر وزیر دفاع پرویز خٹک کو وزارت کے کردار اور افعال سے متعلق بریف کیا گیا جبکہ اس دوران پرویز خٹک کا کہنا تھا کہ ملکی دفاع کو ناقابل تسخیر بنانے کے لیے مسلح افواج کو وسائل اور سازو سامان کے لحاظ سے مضبوط بنایا جائیگا۔
