اسلام آباد (آئی این پی) مسلم لیگ (ن) کے رہنما مشاہد اﷲ خان نے کہا کہ نواز شریف کا یہ لیول ہی نہیں کہ وہ اعتزاز احسن کے بارے میں بات کریں‘ یہ اعتزاز احسن کا لیول ہے انہوں نے تو کلثوم نواز کی بیماری کا خیال بھی نہیں کیا‘ اعتزاز احسن نے مریم نواز کا خیال کیا نہ نواز شریف کا۔ پیر کو مشاہد اﷲ خان نے میڈیا سے گفتگو کرتے ہوئے کہا کہ میاں نواز شریف کو صدارتی انتخاب سے متعلق بتایا۔
صحافی نے سوال کرتے ہوئے پوچھا کہ میاں صاحب نے اعتزاز احسن پر اعتراض کیا ہے؟ مشاہد اﷲ خان نے جواب دیا کہ میاں صاحب اتنی چھوٹی چھوٹی باتیں نہیں کرتے وہ صرف سنتے ہیں۔ نواز شریف کا یہ لیول ہی نہیں کہ وہ اعتزاز احسن کے بارے میں بات کریں۔ اعتزاز احسن نے مریم نواز کا خیال کیا نہ نواز شریف کا۔ یہ اعتزاز احسن کا لیول ہے انہوں نے تو کلثوم نواز کی بیماری کا خیال بھی نہیں کیا۔
