اسلام آباد (مانیٹرنگ ڈیسک) تحریک انصاف حکومت کا نواز دور میں قطر کیساتھ ہونیوالے ایل این جی معاہدے کی تفصیلات عوام کے سامنے لانے کافیصلہ۔ تفصیلات کے مطابق تحریک انصاف کی حکومت نے نواز دور حکومت میں قطر کیساتھ ہونیوالے ایل این جی معاہدے کی تفصیلات عوام کے سامنے لانے کا فیصلہ کیا اور اس حوالے سے تحریک انصاف کے رہنما عثمان ڈار نے سماجی رابطوں کی
ویب سائٹ ٹویٹر پر جاری اپنے پیغام میں اعلان کرتے ہوئے کہا ہے کہ ”قطر کے ساتھ کئے جانے والے ایل این جی معاہدے کی تفصیلات سے کبھی بھی عوام یا پارلیمنٹ کو آگاہنہیں کیا گیا۔ جمہوریت میں ہر معاہدے اور حکومتی اقدام سے متعلق مکمل شفافیت انتہائی ضروری ہے۔ وزارت پیٹرولیم کی جانب سے اس معاہدے کی تفصیلات عوام کے سامنے لانے کا فیصلہ کیا جا چکا ہے۔“
