اسلام آباد(نیوزڈیسک) حکمراں پاکستان مسلم لیگ نون اور حزب اختلاف کی تحریک انصاف کے درمیان بادی النظر میں غیراعلانیہ جنگ بندی ہوگئی ہے۔ اس کا سراغ وزیراعظم نوازشریف کی گلگت اور بعدازاں جھنگ میں تقاریر سے ملتا ہے۔ جنہوں نے دونوں مقامات پر اپنے خطاب میں تحریک انصاف کو صاف طور پر نظر انداز کردیا ور اس کے کردار پر اشارتاً بھی تبصرہ آرائی نہیں کی۔روزنامہ جنگ کے صحافی محمدصالح ظافرکی رپورٹ کے مطابق قبل ازیں تحریک انصاف کے سربراہ عمران خان نے صوابی کی اپنی دیروزہ تقریر میں اس مخاصمانہ لب و لہجے سے گریز کیا جو اپنے مخالفین کے بارے میں دشنام اور الزام سے عبارت ہوتا تھا اور جس نے انہیں عوامی مقبولیت میں نیچے لا پٹخا ہے۔ عمران خان نے اپنی تقریر میں چین پاکستان اقتصادی راہداری منصوبے کے روٹ پر نکتہ چینی کی تھی جس سے مبصرین کو حیرت ہوئی کیونکہ پاکستان میں اقتصادی راہداری کے بارے میں متنازع گفتگو کے ڈانڈے بھارت کے بدنام دہشت گرد ادارے ’’را‘‘ کے مذموم ارادوں اور سازشوں سے جوڑے جاتے ہیں جن کے بارے میں ثبوت بھی سامنے آچکے ہیں۔ دوسری جانب وزیراعظم نوازشریف نے منگل کی اپنی دونوں تقاریر میں متاثرین کیلئے زر اعانت کی فراہمی پر توجہ مرتکز رکھی۔ انہوں نے اپنے پورے دورے میں کہیں کسی سیاسی معاملے کا حوالہ نہیں دیا اور نہ ہی کسی سیاسی موضوع پر گفتگو ک