لاہور(این این آئی)گلوکارہ میشاشفیع نے گورنرپنجاب کی جانب سے مبینہ جنسی ہراسگی کے خلاف اپیل مسترد کرنے کا اقدام ہائیکورٹ میں چیلنج کر دیا۔ عدالت نے نے آئندہ سماعت پر فریقین کے وکلا ء کودلائل کیلئے طلب کر تے ہوئے سماعت ملتوی کر دی۔لاہور ہائیکورٹ کے جسٹس شاہد کریم نے گلوکارہ میشا شفیع کی درخوست پر سماعت کی۔ درخواست میں موقف اپنایا گیا ہے کہ علی ظفر کے خلاف صوبائی محتسب

کو درخواست دی جو خارج کر دی گئی۔فیصلے کے خلاف گورنر پنجاب کو اپیل دائر کی گئی لیکن اسے بھی مسترد کر دیا گیا۔ درخواست میں موقف اپنایا گیا کہ صوبائی محتسب نے کہا ہے کہ جنسی ہراسگی کے لیے ملازم یا ماتحت ہی رجوع کر سکتا ہے، کام کی جگہ پرجنسی ہراسگی کیخلاف صوبائی محتسب سے رجوع کیا جاسکتا ہے۔ استدعا ہے کہ عدالت گورنر کی جانب سے اپیل مستردکرنے کے اقدام کوکالعدم قرار دے۔