اسلام آباد(مانیٹرنگ ڈیسک)جودھ پور کی جیل میں دو راتیں گزارنے والے سلمان خان نے سکول کے سالانہ فنکشن میں شرکت کر کے ایک کروڑ روپے عطیہ دینے کا اعلان کردیا۔بھارتی میڈیا کے مطابق سلمان خان نے ممبئی میں ایک سکول کے سالانہ فنکشن میں شرکت کی جہاں بچوں کے ساتھ خوب تصاویر بھی بنوائیں۔خصوصی بچوں کے سکول میں
شرکت کے موقع پر سلمان خان کی خوشی کا کوئی ٹھکانا نہ رہا، تصاویر اور ویڈیوز بنوانے کا سلسلہ رکا تو سلمان خان نے جاتے ہوئے سکول کے لیے ایک کروڑ روپے عطیہ کرنے کا اعلان کردیا۔یاد رہے کہ سلمان خان کو چند روز قبل کالے ہرن شکار کیس میں جودھ پور کی عدالت نے 5 سال قید کی سزا سنائی تھی تاہم دو روز بعد انہیں ضمانت پر رہا کردیا گیا تھا۔
