اسلام آباد(مانیٹرنگ ڈیسک)بھارتی ڈراموں کی مشہور اداکارہ  دیپیکا کاکڑنے مسلمان دوست سے شادی کرنے کے لیے اسلام قبول کر لیا، خبر سامنے آتے ہی بھارت میں ہنگامہ کھڑا ہو گیا۔بھارتی میڈیا کے مطابق نجی ٹی وی کے ڈرامہ سیریل سسرال سمر کا سے شہرت کی بلندیوں کو چھونے والی بھارت کی معروف و مقبول اداکارہ دیپیکا کاکڑنے مسلمان دوست شعیب ابراہیم سے شادی کرنے کے لیے

اسلام قبول کر لیا۔ ٹائمز آف انڈیا کے مطابق دیپکا اور شعیب کی شادی 22 فروری کو ہوئی اور کہا جارہا ہے کہ اداکارہ نے اپنا نام بھی تبدیل کرلیا ہے۔ سوشل میڈیا پر شادی کا ایک دعوت نامہ بھی گردش کر رہا ہے جس پر ان کا نام دیپکا کی بجائے فائزہ لکھا گیا ہے۔شادی کی تقریب انتہائی سادگی سے انجام پائی جس میں دیپیکا اور شعیب کے اہل خانہ سمیت قریبی دوستوں نے شرکت کی۔