لاہور (اے این این ) پتنگ باز سجناں فیم گلوکارہ فریحہ پرویز نے سوئٹزر لینڈ کے بزنس مین سے شادی کر لی ہے۔ذرائع کے مطابق پاکستان کی معروف گلوکارہ فریحہ پرویز مستقل طور پر سوئٹزر لینڈ منتقل ہوگئی ہیں ۔ شوبز حلقوں میں یہ افواہیں گردش کر رہی ہیں کہ گلوکارہ فریحہ پرویز نے سوئٹزر لینڈ کے بزنس مین سے شادی کر لی ہے جسکی وجہ سے وہ سوئٹزر لینڈ منتقل ہوئی ہیں اور اب وہی
مستقل طور پر رہائش پذیر رہیں گی ۔ دوسری جانب گلوکارہ کے خاندان کے افراد سے اس کی تصدیق نہیں ہوسکی ۔واضح رہے کہ گلوکارہ فریحہ پرویز نے پہلے شوہر سے طلاق کے بعد گلوکار نعمان جاوید سے دوسری شادی کی تھی ، محبت کی شادی ایک سال توخوب چلی، پھرجانے کیا ہوا کہ دلوں میں دراڑ آ گئی اور رومانوی ازدواجی سفر رنجشوں کا سفر بن کر دونوں کو ایک دوسرے سے الگ کر گیا ۔
