ممبئی (این این آئی)بالی وڈ کی ڈمپل گرل دپیکا پڈوکون نے اپنے نام کا مذاق اڑاتے ہوئے انسٹاگرام پر ایک میم شیئر کی جس پر اداکار رنویر سنگھ قہقہہ لگائے بنا نہ رہ سکے۔میڈیا رپورٹ کے مطابق دپیکا پڈوکون کے نام میں لفظ ’کون‘ آتا ہے لہذا انہوں نے اپنے نام میں جڑے اس لفظ کو آئسکریم کون سے ملا دیا۔ڈمپل گرل نے انسٹاگرام پر اپنے مداحوں سے ایک پوسٹ شیئر کی جس میں دیکھا گیا کہ ایک جانب آئسکریم کون ہے اور دوسری جانب
دپیکا پڈوکون ہیں۔دپیکا نے اس آئسکریم کو ’دپیکا پڈوکون کون‘ کا نام دیا۔اداکارہ نے کون کے اندر اور اس کے اوپر بھی اپنی تصویر لگا ڈالی اور ساتھ میں لکھا، دپیکا پڈوکون ٗدپیکا پڈوکون کون کے اندر ۔اور آخر میں اداکارہ نے دپیکا پڈوکون کون کھاتے ہوئے اپنی تصویر کا بھی اضافہ کیا۔ایسے میں رنویر سنگھ یہ میم دیکھ کر خوب لطف اندوز ہوئے اور انہوں نے قہقہہ لگا کر اپنے جذبات کا اظہار کیا۔
