ممبئی (این این آئی)دبنگ خان نے بالی ووڈ اداکارہ کی بہن ازابیل کیف کو بھی فلم نگری میں متعارف کرا دیا‘بہت جلد ایک نئی فلم میں ناظرین کے سامنے جلوہ گر ہوں گی- کترینہ کیف کے بعد سلمان خان ایک اور لڑکی پر مہربان ہوگئے ، یہ لڑکی کوئی اور نہیں ان کی دیرینہ دوست اور بالی ووڈ کی معروف اداکارہ کترینہ کیف کی بہن ازابیل کیف ہے جسے سلمان خان نے اپنی کوششوں سے فلم نگری میں متعارف کرا دیا۔
دبنگ خان فلمی دنیا میں اداکاری کے ساتھ ساتھ نئے فنکاروں کو متعارف کرانے کے حوالے سے بھی شہرت رکھتے ہیں اور وہ اب تک کئی ملکی و غیر ملکی چہرے فلم نگری کو دے چکے ہیں اور اب سلمان خان نے کترینہ کی بہن کو بھی فلم نگری میں لانے کی ٹھان لی ہے ۔ازابیل کیف بہت جلد سلور سکرین پر جلوہ گر ہوں گی اور ناظرین انہیں فلم کے پردے پر ایک نئے اداکار کے ساتھ دیکھ سکیں گے ۔
