کراچی (این این آئی) اداکارہ نور بخاری نے ٹی وی ڈراموں اور کمرشلز میں کام کرنے کی پیشکش مسترد کردی ہے۔بتایا گیا ہے کہ نور بخاری کو کراچی کے ایک ہدایتکار نے ڈرامہ سیریل اور کاسمیٹک مصنوعات کی کمرشل کے لئے پیشکش کی تاہم انہوں نے معذرت کرلی۔ ان کے قریبی ذرائع نے بتایا کہ نور بخاری ٹی وی پروگرام کی میزبانی کریں گی تاہم ان کا دوبارہ اداکاری کا کوئی ارادہ نہیں ہے۔ دوسری جانب اداکارہ نور بخاری اور ان کی بہن فاریہ بخاری پر سوشل میڈیا اور شوبز کے سنجیدہ حلقوں

نے نشتر برسانا شروع کر دیے ہیں۔نور بخاری اور ان کی بہن فاریہ بخاری نے پچھلے کافی عرصے سے پردے کے لئے عبایہ کا استعمال شروع کر رکھا تھا تاہم اب نور کی بہن فاریہ بخاری نے عبایہ اتار دیا ہے جبکہ اس کے ساتھ اداکارہ نور نے حال ہی میں ریلیز ہونے والی ایک فلم کے پریمیئر میں شرکت کی تھی اور انہوں نے اپنے ہاتھ میں الیکٹریکل تسبیح پکڑ رکھی ہے اور ان کی یہ تصویر سوشل میڈیا پر آنے کے بعد تنقید کا سلسلہ شروع ہو گیا ہے۔سوشل میڈیا پر لوگوں نے سخت الفاظ استعمال کیے ہیں۔

موضوعات:اداکارہ نور