ممبئی (این این آئی) بالی ووڈ ادا کارہ ودیا بالن نے کہاہے کہ بچے کیلئے وقت نہیں ۔ میڈیا رپورٹ کے مطابق ودیابالن آئندہ سال یکم جنوری کو 39سال کی ہوجائیں گی اور اس موقع پر ودیا نے میڈیا سے بات کرتے ہوئے کہا کہ جیسے کہ میں 39 سال کی ہونے والی ہوں میں نے اپنے دوستوں سے کہا ہے کہ میں اب کچھ نیا کرنا چاہتی ہوں

کیونکہ آئندہ سال میں 40 کی ہوجاؤں گی تو دیکھتے ہیںکہ اس سال میں اپنے دوستوں اور شوہر روئے کپور کے ساتھ کیا پاگل پن کرتی ہوں۔یاد رہے کہ ودیا اور سدھارتھ روئے 5 سال سے شادی شدہ ہیں اور جب ان سے بچوں کے بارے میں پوچھا گیا تو ان کا کہنا تھا کہ بچہ کیلئے میرے پاس وقت نہیں ٗہر فلم میرے لئے ایک بچہ کی طرح ہے اور اب تک ایسے میرے 20 بچے ہوچکے ہیں،فی الحال میں اپنے کام کو اہمیت دے رہی ہوں۔