ممبئی (این این آئی)بالی ووڈ اداکارہ ریکھا نے کہا ہے کہ سمیتا پاٹیل میرے مقابلے میں زیادہ اچھی اداکارہ تھیں ۔ بھارتی میڈیا کے مطابق معروف اداکارہ ریکھا نے پہلا سمیتا پاٹیل میموریل ایوارڈ وصول کرتے ہوئے کہا مجھے بہت خوشی ہے کہ مجھے اس ایوارڈ سے نوازا گیا کیونکہ میرا خیال ہے کہ اس ایوارڈ پر صرف میرا حق ہے اور یہ

ایوارڈ سمیتا پاٹیل کی بہترین اداکاری، ڈانس کی صلاحیتوں ،کیمرے کے سامنے بلاخوف و خطر عمدہ اداکاری صلاحیتوں اور خصوصیات کو ظاہر کرتا ہے ۔انہوں نے کہا کہ سمیتا پاٹیل بہت عمدہ اور زبردست اداکارہ تھیں اور اس بات کا احساس مجھے 30 سال قبل ہوا جب میں نے ان کی فلمیں دیکھیں اور آج میں یہ کہہ سکتی ہوں کہ سمیتا میرے اور کسی کے بھی مقابلے میں سب سے زیادہ بہترین اداکارہ تھیں۔