ممبئی (این این آئی)بالی وڈ اداکارہ عالیہ بھٹ نے فلم ’’راضی‘‘ کی عکسبندی مکمل کر لی۔بھارتی میڈیاکے مطابق عالیہ بھٹ نے اس بات کا اعلان سماجی رابطوں کی ویب سائٹ انسٹاگرام پر کیا ۔ فلم کی ہدایتکارہ مہگنا گلزار ہیں۔فلم میں عالیہ بھٹ وکی کوشال کے ساتھ نظر آئیں گی
جس میںعالیہ کشمیری لڑکی جبکہ وکی کوشال آرمی آفیسر کا کردار ادا کر رہے ہیں۔فلم آئندہ سال مئی میں سینما گھروں کی زینت بنے گی، عالیہ اس کے بعد آیان مکھرجی کی فلم ’’براھامسترا‘‘ میں جلوہ گر ہوں گی ۔فلم میں امیتابھ بچن اور رنبیر کپور بھی نظر آئیں گے۔
