ممبئی (این این آئی)بالی ووڈ اداکارہ پریانکا چوپڑا پہلی بار فلم انڈسٹری کے مسٹر پرفیکٹشنٹ عامر خان کے ساتھ فلم’ سلیوٹ ‘میں جلوہ گر ہوں گی ۔بھارتی میڈیا رپورٹ کے مطابق پریانکا چوپڑا جو آج ہالی ووڈ کے کئی پروجیکٹس میں مصروف ہیں،انہوں نے لیلا بھنسالی کی فلم ’گستاخیاں‘ کرنے سے بھی انکار

کر دیا تھا۔پریانکا اپنے 14 سالہ فلم کیرئیر کے دوران سلمان خان ،شاہ رخ خان کے ساتھ تو فلموں میں کام کرچکی ہیں ،اب پہلی بار عامر خان کے ساتھ فلم بینوںکو سینما کے پردے پر نظر آئیں گی۔بھارتی میڈیا رپورٹ کے مطابق بھارتی خلا باز راکیش شرما کی زندگی پر مبنی فلم ’ سلیوٹ ‘ جس میں عامر

خان لیڈرول اداکررہے ہیں، فلم میں پریانکا چوپڑا ان کی بیوی کا کردار ادا کریں گی۔میڈیا رپورٹ کے مطابق فلم سلیوٹ کی ہدایت کاری کے فرائض مہیش میتائی نباہ رہے ہیں،مسٹر پرفیکٹشنٹ اور دیسی گرل کے مداح یہ فلم آئندہ برس کے کرسمس کے موقع پر دیکھ سکیں گے۔

موضوعات:پریانکا چوپڑا