اسلام آباد(مانیٹرنگ ڈیسک)ارشد چائے والا اب کوئی عام آدمی نہیں بلکہ ایک مشہور و معروف ماڈل کے طور پر سامنے آچکا ہے۔ گزشتہ دنوں نیشنل پریس کلب اسلام آباد میں منعقدہ ایک تقریب میں ارشدخان المعروف ارشد چائے والا کا کہنا تھا کہ جس برینڈ کے ساتھ کام کر رہا تھا ان کی وجہ سے مجھے کافی نقصان اٹھانا پڑا، میرے ان کے ساتھ فوٹو شوٹ پر میرے خاندان اور گھر والوں نے بھی مجھ پر بہت اعتراض کیا اور وہ ناراض ہو گئےتھے لیکن
میں نے انہیں منا لیا ہے اور ان سے وعدہ کیا ہے کہ انہیں کبھی ناراض نہیں کروں گا، اس برینڈ نے غلط تصاویر شوٹ کیں۔ ارشد (چائے والا) کا کہنا ہے کہ اٹلی، فرانس اور دنیا بھر سے ماڈلنگ اور کمرشلز کی آفر زآرہی ہیں لیکن ابھی صرف اور صرف پاکستان کے لیے کام کرنا ہے، کچھ بن کر دکھانا ہے اور دنیا میں پاکستان کا نام روشن کرنا ہے۔ پاکستان میں ایسے لوگ اب بھی موجود ہیں جو اچھے ٹیلنٹ سے اچھا اور صاف ستھرا کام کروانا چاہتے ہیں ۔
