ملتان(مانیٹرنگ ڈیسک) تھیٹر ایکٹریس شمیم کو نامعلوم افراد نے فائرنگ کرکے قتل کردیا ہے۔ پولیس نے مقدمہ درج کرکے مقتولہ کے خاوند کو بھی شامل تفتیش کرلیا۔ملتان میں شاہ ٹاؤن کی رہائشی تھیٹر ایکٹریس اور ڈانسر شمیم کو نامعلوم افراد نے فون کرکے گھر سے باہر بلایا ٗ جب شمیم گھر سے باہر آئی تو انہوں نے فائرنگ کرکے
اس کو قتل کردیا اور فرار ہوگئے۔ پولیس حکام کے مطابق مقتولہ کے خاوند کو بھی شامل تفتیش کرلیا گیا ہے۔اطلاع ملنے پر پولیس تھانہ سیتل ماڑی موقع پر پہنچ گئی اور مقتولہ کی لاش کو قبضے میں لے کر پوسٹ مارٹم کیلئے نشترہسپتال منتقل کردیا۔ پولیس کے مطابق نامعلوم افراد کیخلاف مقدمہ درج کرکے تحقیقات شروع کردی گئی ہیں۔
