ملتان(آئی این پی)ماڈل قندیل بلوچ کی پہلی برسی پر اپنی بیٹی کو یاد کرتے ہوئے والدین آبدیدہ ہوگئے،مقتولہ ماڈل کے والدین کا کہنا تھا کہ قندیل بلوچ کے قاتلوں کو کسی صورت معاف نہیں کریں گے،قندیل کے بعد گھر کی مالی حالت بدترین ہوچکی ہے۔ڈیرہ غازی خان کے علاقے صدرالدین شاہ میں رہائش پذیرماڈل قندیل بلوچ کے والدین کا میڈیا سے گفتگو کرتے ہوئے کہنا تھا کہ جب تک قندیل زندہ تھی
،ان کے گھروالوں کو کسی قسم کی پریشانی نہیں تھی ،گھرکاساراخرچہ قندیل اٹھاتی تھی۔مقتولہ ماڈل کے بزرگ والد عظیم ماہڑہ بلوچ نے کہا کہ قندیل جب گھر آتی تھی توگھروالوں کیلئے خودکھانا تیارکرتی تھی ۔قندیل کے بعد میری دوسری بیٹی گھرکاخرچ اٹھاتی ہے۔مقتولہ ماڈل کے والد نے مزید کہا کہ وہ کیس کی پیروی کیلئے مزیداخراجات نہیں اٹھاسکتا۔
